بوست تعريفى لكيفية التقديم فى الضيافة الجوية
_______________________________________________

الشروط المطلوبة للتقديم للضيافة :

1- السن : الحد الادنى :معظم الشركات حاليا بتاخد من 21 سنة زى مصر للطيران والامارات والقطرية وفى شركات خاصة بتقبل من 20 سنة كله بنفس النمط دا ماعادا الخطوط السعودية بتاخد من 22 سنة
الحد الاقصى : بيتختلف الحد الاقصى للسن من شركة الى اخرى فى شركات خاصة اقصى سن بيكون 27 سنة وفى شركات 30 سنة وبيحددوا الناس اللى عندها خبره باقصى سن 35 سنة
وايضا بيختلف شرط السن من اعلان لاخر حتى لو فى نفس الشركة ودا طبعا راجع لاحتياج الشركة خصوصا فى الشركات الخاصة فلازم نراجع للاعلان بدقة
2- اللغة الانجليزية : دا شرط اساسى التحدث والاستماع والقراءة بشكل جيد فى اللغة الانجليزية حتى لو بتتكلم لغة تانية بطلاقة شرط اساسى اللغة الانجليزية وطبعا الافضلية بتكون للى معاه اكتر من لغة بجانب الانجلش
3- الطول : حاليا معظم الشركات بتاخد طول للبنات 160 سم وللشباب 165 سم وفى شركات بتطلب ان يكون الطول اذا وقفت على اطراف اصابع الرجل ومديت ايدك لفوق ان يصل الطول الى 212 سم زى الامارات والقطرية ومؤخرا السعودية وفى شركات بتطلب الطول 158 سم زى مصرللطيران.
4- الوزن : شرط اساى تناسب الوزن مع الطول بمعنى ان الوزن الميثالى للبنات بيكون الطول -105:110 والطول للشباب الطول -100
والشركات الخاصة بتاخد الوزن الطول -100
5- فى بعض الشركات بتشترط اجاددة السباحة لعمق 25 متر على الاقل ودا غالبا بيكون فى الشركات الخليجية ومش موجود فى مصر
طرق التقديم :
معظم الشركات بتنزل اعلان رسمى فى الجرايد عند احتياجها لاطقم ضيافة جديدة ودا شرط الزامى وبعض الشركات بتكون كاتبة مواعيد الانترفيوهات او مواعيد نزولها مصر على الموقع الرسمى التابع لها زى القطرية والامارات وبعض اخر بيستعين بشركة هى اللى بتقووم بالمقابلات الاولى ومتابعه الاختبار الانجلش زى الخطوط السعودية وشركة سكاى واى وايضا قبل ما اللجنة ما بتنزل بمده بيعلنوا فى الجرايد باعلان رسمى لطلب ضيافة
فى نوع اخر من الشركات ودا اللى بنقدم فيه عن طريق الايميلات لان الشركات غالبا بتكون خارج مصر والايميل بيكون معروف لكل شركة عن طريق الويب سايت بتعها والايميل بيكون متبوع بع علامة @ باسم الخطوط او الشركة
لذا اى ايميل غير متبوع باسم الشركة او الخطوط فهو مجرد نصب وما اكثر عمليات النصب حاليا فارجو الحذر
فى شركات تانبة بتطلب السفر اليها ووجود اقامه لدى نفس البلد زى الكويت والخطوط الكويتية .
لكن الشركات المصرية بيكون التقديم باليد فى مقر الشركة بعد نزول الاعلان فى الجرايد بالنسبة لمصر للطيران او على صفحات الانترنت بالنسبة للشركات الخاصة وحاليا فى بعض الشركات الخاصة المصرية اللى بتم التقديم فيها عن طريق الايميل زى اير كايرو.
توضيح / ليس من الضرورى ابدا اخذ كورس ضيافة او ماشابة لان كده كده التدريب اللى بيتاخد فى الكورس بيتاخد تانى فى شركات الطيران عشان الرخصة والكورس مش بيقدر يخليك تطير 10 رحلات عشان تاخد الرخصة