كيف تجتاز مقابلة شركات الطيران
________________________
انا لاحظت ان الموضوع ده تم طرحه عدة مرات من قبل لكن انا  أحب أعرضه بشكل مختلف وعشان كلنا نحاول نستفيد بطريقه جديدة

حلم لكتير مننا ان يكون مضيف او مضيفة طيران وان يلف العالم ويتعرف على جماله واسراره ولكن لا يعرف معظمنا الجانب الخفى عن تلك المهنة وصعوبتها ومخاطرها عشان نتقدم لوظيفه لا يكفى ان نتعرف على مميزاتها والمقابل المادى لها (الراتب) والأمتيازات الأخرى بل يجب علينا ان نتعرف على مخاطرها قبل كل شىء وان ندرس مدى التؤائم بين أمكانياتنا وبين هذه المخاطر لان الجميع يتساوى فى تلقى الامتيازات ولكن يختلف أحدنا عن الأخر فى التعامل مع المخاطر عشان كده انا حابه اوضح لمعظمنا ممن لا يدرك مخاطر هذه المهنه ما هى قبل ان اشرح لكم بالتفصيل كيف تكون/ تكونى مؤهلة لتكونى مضيفه
مخاطر العمل كمضيف جوى
هذه المهنه ليست سهله على الأطلاق وكما يتخيل معظمنا انها مجرد تقديم خدمة (طعام او شراب) على متن طائرة للركاب الحقيقه ان هذه الخدمه هى أخر شىء يتعلق بدور الضيافه الجويه فمسؤلية الضيافة الأولى تكمن فى توفير الأمان والسلامة للركاب والتعامل مع حالات الطوارىء(الحرائق - الأختطاف- الهبوط الأضطرارى - الأخلاء ارتكاب الجرائم والمخالفات على متن الطائرة) والقيام بالأسعافات الأوليه (حالات الولادة والموت- الأزمات القلبية-الجروح - حالات الرعب من الارتفاعات- وغيرها) كما ان الضيافه هى مصدر معلومات الركاب على الطائرة وحلقة الاتصال بينهم وبين كبينة القيادة وبذلك تتعدى هذه الوظيفه كونها مختصة بتقديم وجبات او مشروبات أثناء الرحلة .
اولا عشان تتقدمى لهذه الوظيفه لازم تكونى مؤهلة جيدا لها وذلك من خلال:
1 ألمام ممتاز باللغة الانجليزية "يفضل لغات أخرى"
2 تتمتع بصحة جيده ومظهر لائق
3 تتمتع بمستوى عالى من مهارات الأتصال والتعامل مع الثقافات المختلفة
4 القدرة على العمل تحت ضغوط ولساعات طويلة متصلة
اذا كنتى تعانى من نقص فى أحدى المهارات السابقه فعذرا انتى غير مؤهلة لتلك الوظيفه
أهم حاجه قبل الذهاب للمقابله هى الثقه بالنفس لازم تعرفى كويس - طالما تتمتعى بتلك المؤهلات- انك رايحه عشان تكونى اضافه للشركه وانهم هيدفعولك مقابل هذه الاضافه يعنى فى منفعه متبادلة وانهم محتاجينك زى ما انتى محتاجاهم ولا زم ما يكونش عندك ادنى شك انك هتترفضى لانك تتمتعى بكافه المؤهلات وواثقه من نفسك اما التوفيق فمن عند الله " عشان كده لازم تجتهدى فى انك تمتلكى كافة المؤهلات السابقة "
لازم تحضرى جيدا للمقابله كالاتى :
اولا : لازم تقرأى معلومات كافيه عن تاريخ الشركة ورؤيتها وخطتها المستقبليه والأنجازات والجوائز التى حققتها والتحالفات والشركات الى خاضتها وحجم أسطول الشركه ووضعها المالى
ثانيا: الألمام بالمعلومات العامه فى مجال الطيران واسماء المطارات والبلاد والقارات
ثالثا : المظهر اللائق والمناسب البنات اهتمى بشعرك ويفضل ان يكون مربوط الاهتمام بالأظافر والرائحه ولا تستخدمى الوان طلاء او مكياج ملفته يفضل الوان هادئة ولا تكثرى فى لبس الاكسسوار وتعدد الألوان يفضل لبس التيير " بلوزة وجاكيت وجيبه عند الركبة" ويفضل فى الملابس خاصه الجيبة الالوان الغامقه لا تستخدمى الوان لامعه على الطلاق احرصى على ابتسامه ناصعه البياض وارتداء حذاء نظيف وان تكون الملابس " مكويه كويس " : )
اما الأولاد فالملابس الفورمال تتمثل فى بذلة والحرص على وجود رابطه عنق محمكة الرابطة لا يقبل بفتح زرار القميص ويرجى الابتعاد عن شرب السجائر قبل المقابلة لانها تترك رائحه كريه على الملابس والفم يجب حلاقة الذقن والحفاظ على اظافر نظيفه وشعر مصفف يفضل عدم ارتداء اساور " حظاظة او أنسيال" تأكد ان حذائك مربوط جيدا ونظيف وياريت تصفيف الشعر بشكل فورمال يعنى بلاش الspiky cut
وياريت بلاش اللبان كمان للجميع
ثالثا اداب وبروتوكولات المقابة : يفضل اخذ نوت بوك صغير لتدوين اية ملاحظات
فى البدايه لازم نخبط على الباب وأحنا داخلين حتى لو كان مفتوح ولما ندخل منقعدش غير لما يطلب منك ان تقعد ولازم نقعد بشكل لائق
للبنات بتقعدى على طرف الكرسى ورجلك فى وضع كروس من عند القدم ولازم ظهرك يكون مفرود وبتفتحى زرار الجاكت وانتى واقفه تقفليه وانتى قاعده تفتحيه الشنطه الى دايما بتلخمنا حطيها جنب الكرسى على الارض لان فى الاغلب مبيكونش فى طرابيزة تحطى عليها اوعى تحطيها على حجرك او على الكرسى عشان متلخمكيش حافظى على ابتسامه رسميه " متفتحيش بوئك على الأخر ابتسامه خفيفه "
بالنسبه للأولاد بتقعد لما يطلب منك ابتسامه خفيفه بتفتح زرار البدلة بتقعد داخل الكرسى ظهرك مفرود رجلة متوازياتين ايدك على ايد الكرسى او حجرك " بس متخشبش نفسك " ياريت وانت واقف فى الاول رجليك يكونو متوازيين وبلاش ايدك فى جيبك
بنقول التحيه سواء good morning sir or good afternoon نحافظ على ال eye contact مع الشخص الى بنكلمه وبلاش نتلفت بعنينه فى كل مكان او نحرك ادينا او نهز رجلينا لان دى كلها علامات توتر وانعدام ثقه بالنفس
فى اغلب الاحيان بتكون المقابله امام لجنه او اكثر من شخص هنعمل ايه فى حاله لو 2 بيكلموك فى نفس الوقت او لو حد قاطعك وانت بترد على سؤال واحد تانى : اولا التزم بالتحدث الى الشخص الذى سألك اولا والتزم بالنظر له واذا تحدث اليك اخر او قاطعك تلفت له بعينك مبتسما ولا تجيبه حتى تكمل ردك الاول فأنت بذلك تعلمه انك تنبهت لسؤاله وستجيبه حين تنتهى ودى من قواعد أحترام الحديث
ولو حد سألك سؤال مسمعتهوش تقوله :could you please repeat the question
لازم صوتنا يكون واضح ومفهوم ومسموع للى قاعد فى أخر الاوضه وبلاش البنات تسرسع أرجوكم وردودنا مباشرة وواضحه وفى سياق السؤال ادى نفسك 30 ثانيه تفكر قبل ما ترد لان دى علامه جيده على التفكير وحسن التصرف متحسسهوش ابدا انك حافظ حاجه وجى تسمعها حتى لو كنت حافظ ولو اتزنقت فى أجابه سؤال مش عارفه ويفضل ان لا تتزنق احرص على اجابه عامه ومختصره حول الموضوع فى نهايه اللقاء اشكرهم على حسن استقبالهم والاستماع اليك وانك سعيد بمعرفتهم قائلا : Thank you for the warm reception and listening ثم ابتسامه ثم nice to meet you ولما نقوم ما ننساش نقفل الزرار بتاع التيير والبدلة البنات خدى شنطتك بهدوء وانت خارج تقفلى الباب ياريت منرزعهوش