شرح كامل و مفصل عن اليوم التاني في انترفيو 

الخطوط 

الجويه القطريه

 Qatar Airways Assessment Day

 و ده بيكون بعد اليوم المفتوح Open Day على طول و بيعتبر اليوم ده من اهم ايام انترفيوهات اي شركه علشان بيمثل الخطوه الاخيره قبل ما توقع العقد و تبدا حياتك في الضيافه الجويه و يلا بينا نبدا الشرح .

اليوم ده مهم اوي و علشان كده لازم يكون في التزام منك من حيث انك تروح الفندق قبل المعاد المقرر و تكون مجهز لبسك Uniform و ورقك اللي بيطلبوه منك في اليوم المفتوح و راجعو البوست لخاص بتاع Qatar Airways Open Day في الحاجات الاساسيه اللي هي لازم تتحضر قبل اي انترفيو من حيث المظهر العام و كده و لو معلكتش كده مش حتكمل اليوم يعني مثلا اللي يجي متاخر اللجنه مش حتسمح ليه يدخل القاعه اساسا علشان كده اكرر يا رب نكون ملتزمين في اليوم ده بكل تفاصيله. اليوم بيكون ماشي كالاتي :

1) المرحله الاولى :
-تعريف بالخطوط الجويه القطريه Qatar Airways Introduction

و هنا اللجنه بتدخل القاعه و بترحب بالناس و بعد كده بتعرض فيديو تسجيلي على Projector عن الخطوط الجويه القطريه بيشمل على المعلومات الاساسيه و انجازتها و حاجات كتيره عن الخطوط الجويه القطريه ككل و هنا لازم ناخد معانا Note ونكتب المعلومات اذ ربنا اللجنه بعد كده في اخر اليوم تسالك بتعرف ايه عن القطريه .

-امتحان اللغه الانجليزيه English Test

الامتحان بيكون عباره عن اسئله اختيار متعدد " كلها " و بتاخد ورقتين ورقه الاسئله و ورقه الاجابه .اول سؤال بيكون عباره عن قطعه تقراها و تفهمها و تجاوب على الاسئله بعديها Reading Passage و ده اول سؤال اما تاني سؤال بيكون عباره عن برده قطعه بس فيها اخطاء في القواعد و انت اللي عليك انك تصلحها و برده كلها اسئله اختيار متعددو بعد كده نجي على اسئله المفردات اللغويه Vocabulary و الاسئله في شكل جمل و عايز معناها او المرادق ليها او ضدها في بعض الاحيان يعني يجيبلك جمله و عايزه معاناه و مديلك 4 اختيارات تختار منهم الصح و الاقرب للجمله اللي عايز معناها.بعد كده حيجبلك مسألتين مساله مصاريف عاديه
يعني مثلا قضيت يوم دفعت فيه و صرفت كذا و عايز يعرف منك اتبقى معاك كام في الاخر و المسائله التانيه بتكون عباره عن مساله توقيت جرينتش العالمي و هنا بيجيبلك دولتين و كل دوله التوقيت بتاعها و عايز فرق بس يعني في الامتحانات السابقه جت المساله دي ان بيقولك ان التوقيت في سنغافوره الساعه 8 الصبح و فرنسا بيقولك ان التوقيت فيها ساعتين بعد منتصف الليل و احنا عارفين ان منتصف الليل الساعه 12 يبقى ( 12+2) حيكون التوقيت في فرنسا الساعه 2 فجرا و هنا الفارق حيكون 6 ساعات فقط ( 8-2 ) و ده نص السؤال ( if you know that Singapore current time is 8 am and in France two hours after midnight so what is the difference in time between both countries ) .بعد كده حتكتب مقال في الموضوع اللي اللجنه حتقول عليها اللي هو Essay و الموضع اللي فات كان في اخر مره كان اي القرار اللي انت اخدته في حياتك و اثر عليها و طلعت منهم بايه و في موضوع تاني جه قالك فيه لو انت غني و مشهور حتعمل ايه . توقيت امتحان الغه الانجليزيه هو بس 50 دقيقه.

-الطول و المقابله الاوليه مع اللجنه

و هنا اللجنه بعد ما تخلص الامتحان حتدخل غرفه خاص علشان تستقبل الناس بعد كده و طبعا حينادو على الناس بارقامهم اللي بياخدوها قبل ما يبدا اليوم.في الاول اللجنه حتطلب منك تروح تعمل اختبار الطول او Reach Arm و بعد كده هنا في احتمالين طبعا اللجنه حتتكلم معاك شويه و الاحتمال الاول ان اللجنه تقولك اختار ورقه من محموعه ورق على الطرابيزه اللي فيه موضوعات Presentation و تشوف ايه الموضوع اللي طلع معاك وتتكلم فيه قدام اللجنه و ده الاحتمال الاول اللي هو Presentation اما الاحتمال التاني يكون قدام شويه حاجات على طرابيزه يعني ساعه او موبايل او نظاره او اي حاجه و اللجنه تقولك اختار حاجه و قولي ليه اختارتها و مخترتش حاجه تانيه غيرها يعني تختار الحاجه و تقول سبب اختيارك ليها .

و دي المرحله الاولى من اليوم اللي بعديها اللجنه تقرر الناس اللي حيكملو معاهم اليوم و الناس اللي حتمشي علشان بعد كل مرحله فيها تصفيه Elimination .

2) المرحله التانيه

في المرحله دي كل لجنه ليها وجه نظر معينه يعني مثلا في المره اللي فاتت " اخر مره " اللجنه خلت الناس تعمل موضوع Presentation تاني بس المره دي قدام الناس كلها يعني اللجنه تديلك الموصوع اللي انت حتتكلم فيه قدام الناس و الموضوعات بتكون مختلفه سهله و صعبه انت و حظك او في مره قبل كده اللجنه عملت جلسه حوار Circle Discussion يعني قسمت الناس لمجموعات و كل محموعه كانت بتكلم عن موضوع و بعد كده حصل بينهم مناظره Debate يعني علشان نفهم كده مره اللجنه قالت للناس تتكلم عن Social Media و قسمت الناس لمجموعتين مجموعه With اللي هي مع وسائل التواصل الاجتماعي و المجموعه التانيه Against اللي هي ضدها و خلتهم يعملو مناظره بعد كده يعني في المرحله دي كل لجنه ليها وجه نظر معينه بتمشي عليها بس هي يا اما تكون Public Presentation او Circle Discussion .

بعد ما نخلص المرحله ده اللجنه بتقرر مين اللي حيكمل اليوم و مين اللي حيمشي علشان بعد كل مرحله بيكون فيها تصفيه Elimination .

المرحله الاخيره

و هنا اللجنه حتجمع الناس اللي كملت اليوم للاخر و تقعد تتكلم معاهم على الشروط العامه و الاحكام الخاصه بالضيافه الجويه و توزع عليهم Application Form اللي هو العقد المبدئي بينك و بين الخطوط الجويه القطريه و اللي كل واحد من الموجودين لازم يكتبو كله بالتفصيل من خلال البيانات اللي موجوده في المستندات اللي جابها معاه اللي هي الورق المطلوب منك.بعد كده حتدخل مع اللجنه تعمل Interview بسيط كده فيه اسئئله عامه و كلام مع اللجنه و كده يكون اليوم انتهى.

بعد كده حتستنى من الخطوط الجويه القطريه بعد ما اللجنه تسافر الدوحه ايميل خاص علشان تحدد ليك الاجراءات اللي انت حتاخدها بعد كده زي الميدكال Medical و لو في اي اوراق اضافيه اة ناقصه مطلبو منك تبعتها