اليوم الفتوح للخطوط الجويه القطريه Qatar Airways Open Day

Open Day عايز اتكلم في شويه نقاط اساسيه بالنسبه للولاد و البنات و هي كالاتي :

1) المظهر العام General Appearance : 

و يشمل على كل مما يأتي :
أ ) اللبس العام Uniform :بالنسبه للبنات , البس العام بيكون عباره عن سكيرت Skirt " جيبه " و عليها شميز و لو عايزين تلبسو عليه جاكيت او بلازر مفيش مشكله دي حاجه Optional مش اساسيه و الجيبه او سكيرت تكون لغايه منطقه الركبه او ممكن فوق بنسبه بسيطه او تحتها بردو بحاجه بسيطه بحيث تكون في محيط الركبه يعني ارجو من البنات متكنش Over اوي يعني و اللون يفضل كحلي او اسود اما شميز يكون مناسب في لونه مع الجيبه و يا ريت نلبس كعب مريح يعني ميكنش عالي اوي و على الارض خالص علشان يريحكم في المشى اما بالنسبه للولاد البدله العاديه بتاعتك. البنات اللي ساكنه بعيد عن الفندق البسو اي حاجه و خدو معاكم Uniform و البسوه في الفندق علشان تحافظو عليه و تعالو من بدري بس عادي لو روحتي بيه بس خلي بالك منه .
ب ) المكياج Make Up : يا ريت يكون المكياج خفيف بحيث يكون ملائم للون البشره وميبنش انك حاطه مكياج من اساسه و يا ريت متحطوش Eye Liner او Eye Shadow كتير اوي و كمان الماسكره و الروج يكون لونه زي درجه لون الشفايف بحيث اللي يشوفك ميحسش انك حاطه روج خالص و المنيكير يكون لونه زي لون اليونيفورم بتاع الخطوط الجويه القطريه نبيتي او درجه من درجات اللون الاحمر بس ميكنش فاتح و ارجو من البنات اللي بترسم حواجبها رسم الحواجب بيعتبر Tattoo و ده ممنوع لما نجي نقدم في شركات الطيران علشان كده البنات اللي بترسم يا ريت يكون خفيف خالص كانه يبان ان دي حواجبك حقيقيه او بلاش منه خالص اما Perfume يكون خفيف و مش فواح اوي و ده كلام للولاد كمان Perfume يكون خفيف مش over اوي.
ج ) الشعر Hair : يكون ديل حصان من نص الراس او ممكن تجيبو التوكه اللي عامله زي دونات و تلفو بيها شعركم و لازم وشك يكون باين كله قدام اللجنه علشان اللجنه بتحب تشوف وش البنت و ارجو من البنات اللي بتعمل Highlighter في شعرها بلاش خليه طبيعي خالص احسن و افضل.
د ) الاكسسورات Accessories : يا ربت نلبس فصين حلق او حلق بسيط و كمان سلسله بس متكنش Over يبقى كده تمام و لو تلبسي ساعه في ايديكي يبقى انتي كده زي الفل.

2) الورق المطلوب احضاره :
أ) السيره الذاتيه CV و لازم تكون باللغه الانجليزيه
ب) صوره طوليه بكامل هيئه الجسم بخلفيه زرقاء مع ارتداء Formal Uniform
ج) صوره مقاس 6*4 بخلفيه بيضاء مع ارتداء Formal Uniform
د) صوره من جواز السفر " يفضل انها تكون معاك بس مش مهم اوي في اليوم المفتوح "

ان شاء الله اليوم المفتوح حكيون من الساعه 9 صباحا لغايه 5 بعد العصر يعني ممكن نروح في وقت و نصيحه مني روح بدري علشان اللجنه بتحب الناس اللي بتيجي بدري و ملتزمه في مواعيدها و بالتالي فرصتك انك تقول مقبول تكون كويسه.طبعا اول تدخل الفندق حتروج تقعد في القاعه اللي كل بنتجمع فيها علشان الانترفيوهات بتكون في قاعه او غرفه خاصه مع اللجنه .اللجنه حتدخل عليكم و ترحب بيكم و حتقولكم على الجو العام لليوم و حيكون ماشي ازاي زي ما بشرحه كده و حتقول على القواعد و الشروط العامه الخاصه للخطوط الجويه القطريه و اللي هي كالاتي :
1) السن يكون من 21 سنه
2) يمنع منعا باتا لبس الحجاب
3) الموافقه على تقديم الخمور اثناء الرحلات حتى في رحلات شهر رمضان طول السنه
4) يمنع منعا باتا الوشم و التاتوو على المناطق البارزه في الجسم كاليدين و القدم و منطقه اعلى الصدر و الكتف و الرقبه و الوجه.

بعد كده اللجنه حتدخل غرفه خاصه او قاعه تانيه علشان تبدا تستقبل الناس و تعمل معاهم الانترفيوهات الاوليه و قبل ما اقولكم ايه الاسئله اللي اللجنه بتسالها في شويه نقاط اساسيه عايز اتكلم معاكم فيها و انتم مع اللجنه و هي كالاتي :

1) حركه الجسم Body Language : اياك و انت واقف قدام اللجنه تستخدم ايديك كتير خليها احسن جنبك و متستخدمهاش الا في اضيق الحدود و كمان اتحكم في حركه جسمك و خليك ثابت يعني متتحركش كتير او تهز نفسك كتير و انت واقف.
2) الواقفه و الماشيه Walking and Standing : بالنسبه للولاد خليك واقف الوقفه العادي و انت ثابت و مستقيم اما بالنبسبه للبنات و انتي واقفه قدام اللجنه خلي جسمك مايل شويه بسيطه ناحيه اللجنه " شايفين اسلوب طريقه التقديم على الطياره هي كده " .حاولو متحطوش ايديكم على الطرابيزه او ورا جسمكم .بالنسبه للبنات فقط و انتم ماشين خلي بالكم اللجنه بتشوفكم كويس و خصوصا رجليكم علشان كده خلي بالكم من المشيه و علشان كده نلبس كعب مريح في المشيه
3) Eye Contact : خلي عينيك على اللي بيكلمك مع اللجنه بس ميمنعش انك بلمحه بسيطه كده تبص على باقي اعضاء اللجنه احتراما منك ليهم و متشغلش بالك باي حاجه تانيه خالص الا بس مع اللي بيعمل معاك الانترفيو و هو حر يعمل اللي هو عايزه بس خاليك مركز معاه فقط .

نجي باقى على الاسئله اللي اللجنه بتسالها كالعاده و هي كالاتي :

1) What do you do : و هنا اللجنه بتسالك بتعمل ايه دلوقتي يعني بتشتغل ايه يبقى هنا نقولها على طبيعه مجال العمل و اختصاصك فيه و اياك تقولهم كده Im fine thank you علشان اللجنه مش بتسال عن حالك انت كويس او لا .لازم نفرق بين السؤال What do you do و السؤال How do you do.
2) Work Experiences : و هنا اللجنه ممكن تسالك عن خبراتك السابقه لو في حاله كنت شغال في مجالات تانيه قبل كده يبقى هنا حنقول على طبيعه مجالات العمل اللي احنا كنا شغالين فيها و اختصاصنا كمان
3) Do you have tattoos or scars : و هنا اللجنه حتسالك لو عندك اي تاتوو او وشم على المناطق البارزه في جسمك او جروح طبيه عميقه .
4) What do you know about Qatar Airways : و هنا اللجنه بتسالك بتعرف ايه عن الخطوط الجويه القطريه يبقى لازم نذاكر و نجمع شويه معلومات عن القطريه و في المختصر المفيد يعني شويه معلومات بسيطه من الجوجل و كمان من موقع الخطوط الجويه القطريه او انا حنزل ليكم اخر اصدار من الخطوط الجويه القطريه فيها المعلومات الاساسيه عنها اللي هي Facts Sheet
5) Why do you want to cabin crew in Qatar Airways : و هنا اللجنه بتسالك ليه عايز تكون مضيف جوي / مضيفه جويه في الخطوط الجويه القطريه و هنا السؤال فيه شقين الشق الاول نقول ليه اختارنا الخطوط الجويه القطريه و اللي هي من خلال المعلومات اللي انت جمعتها عن الخطوط الجويه القطريه و كمان ليه عايز تكون مضيف جوي / مضيفه جويه و هنا نتكلم عن الضيافه نفسها و ليه اخترنا المجال ده.
6) Introduce yourself : و هنا اللجنه بتسالك عن تعريف بنفسك يعني تقول للجنه شويه معلومات عنك.
7) Personal Questions : ساعات اللجنه بتسال اسئله شخصيه من نفسها كده علشان كده درب نفسك على اي سؤال متعلق بيك و بالسي في او بالعمل بتاعك لو اللجنه سالتك .

هي دي الاسئله اللي في الغالب بتسالها لجنه الخطوط الجويه القطريه و بعد ما تخلص الانترفيو هنا السؤال " حعرف ازاي انا اتقبلت معاهم لليوم التاني اللي هو Assessment Day ؟ " اللجنه ساعات بعد ما تخلص الانترفيو معاك بتديك ورقه فيها الدعوه الرسميه لحضور اليوم التاني و لو اخدتها و انت واقف معاهم يبقى خلاص مبرروك كده اتقبلت علشان تروح اليوم التاني و روح علشان تحضر نفسك ليه و مفيش داعي خلاص تستني تليفون منهم اما الناس اللي مش بتاخد الورقه اللجنه حتقولك استني منهم تليفون بعد الساعه 5 و او ممكن تقولك كده Range between 5 and 7 و هنا في عندك احتمالين يا اما اللجنه فعلا تكلمك و تقولك انك اتقبلت معاهم لليوم التاني او خلاص ملكش نصيب فيها و حاول تقدم تاني بس من خلال تجربتي اللي بياخد الورقه دي هما خلاص اللي اللجنه واقفت عليهم لليوم التاني.  

 Assessment Day