شركات الطيران بشكل عام 

و طرق التقديم فيها للضيافه الجويه

.في ناس كتير بتسال السؤال المعتاد اللي هو " ايه الشركات اللي بتنزل مصر و طرق التقديم فيها و طريقه التقديم في شركات الطيران عموما " قبل ما اجاوب على السؤال ده ، حديكم نظره عامه مفصله عن الاتي :
1) شركات الطيران بشكل عام و مين اللي بينزل مصر " من بره مصر "
2) طرق التقديم فيها .

أولا : شركات الطيران
_______________
بنقسم شركات الطيران اللي نوعين و هما :
أ) شركات طيران اساسيه : و دي شركات طيران بتمثل الدول اللي بتنتمي ليها و اللي ليها اسم دولي زي مثلا Egypt Air و الخطوط الجويه السعوديه و Air France و British Airways و الخطوط الجويه القطريه و الخ..
ب) شركات طيران شارتر " عارض " Charter Airlines : و دي شركات بتقوم بتأجيرها شركات طيران اخرى كبيره اساسيه علشان تقلل الحمل عليها من حيث الرحلات و عدد المسافرين و كمان علشان تخدم اكبر عدد من عملائها زي مثلا Air Cairo بالنسبه لمصر الطيران و Air Atlanta و Ounr Air بالنسبه للخطوط الجويه السعوديه و الخ...

طيب هنا السؤال اللي كل الناس بتساله بعد ما اخدنا فكره كويسه مبسطه عن انواع شركات الطيران " ايه هي الشركات اللي بتنزل مصر و ازاي نقدم فيها "

أ* الشركات اللي بتنزل مصر " من بره مصر " و طرق التقديم فيها :
1) الخطوط الجويه السعوديه : كانت بتنزل مصر في فترات متباعده يعني كل سنه او سنتين لكن في الفتره الحاليه بقت بتنزل كل كام شهر مره يعني نزلت في يناير اللي فات و نزلت تاني في فبراير على طول بعدين اخدت فتره لا باس بيها و نزلت تاني في اغسطس اللي فات و احتمال انها ممكن تنزل تاني بعد موسم الحج و حتكون معانا " كتير " خلال الفتره القادمه و السنه الجايه و التقديم طبعا عن طريق سكاي واي Sky Waye اننا بنعمل الانترفيو الاولي مع الشركه بعد كده نمتحن امتحان اللغه الانجليزيه Aptis و بعد اذا ربنا وفقنا في الامتحان ندخل الفينال مع اللجنه.
2) Fly Emirates طيران الامارات : الشركه دي من اكتر شركات Active في مصر يعني بتنزل كل شهر مره يا اما في القاهره او الاسكندريه تطلب ناس بعدد معين من خلال يوم مفتوح يسمي Open Day و في اليوم ده مجرد اننا بنروح نقدم السي في و الصور و مدام / راندا Fly Emirates HR بتسالنا من سؤالين ل 3 اسئله و بعد كده نستنى مسج منها اذا احنا Accepted لليوم التالي اللي هو Screen Day او Assessment Day اللي فيه الانشطه المختلفه زي مثلا English Test و Circle Discussion و بعد كده اذا ربنا كرمنا في اليوم ده بنوصل لمرحله الفينال مع مدام / راندا.
3) الخطوط الجويه القطريه Qatar Airways : كانت بتنزل بنفسها مصر قبل كده و كانت مراحل الانترفيو بنفس نظام مراحل انترفيو Fly Emirates مع شويه اختلافات بسيطه لكن الايام دي القطريه ليها طريقتين للتقديم فيها يا اما عن طريق شركه اسمها Premier Overseas و اللي من خلالها نقدم فيها و الشركه بتعمل Open Day علشان تشوف الناس اللي مقدمه و تلم السي فيهات علشان تبعتهم للجنه في قطر علشان تختار منهم اللي حيدخل مرحله الفينال اللي هي Assessment Day او ان القطريه زي اول ما كنت بتعمل تنزل بنفسها و التقديم عن الطريق الموقع الاكتروني اننا نعمل الابليكاشن الخاص بالتقديم او نروح مباشره لليوم المفتوح او Open Day و مراحل انترفيو الخطوط الجويه القطريه مرحلتين بس اللي هما Open Day اذا كان مع اللجنه نفسها او مع شركه بريمير و Assessment Day اللي ناس كتير بتحب تسميه " الفينال " و اللي بيكون نفسه في كلتا الحاليتن اذا قدمت مباشره مع القطريه او بريمير " قبل كده كان الانترفيو من تلات مرحله باضافه مرحله الفينال مع اللجنه زي Fly Emirates ".
4) الخطوط الجويه الملكيه البريطانيه British Airways : و الشركه دي ليها مقر هنا في مصر في مطار القاهره الدولي Terminal 1 " صاله الركاب في المطار القديم " و دي بتعمل Open Day مره في السنه او خلال فترات متباعده و التقديم فيها فقط و ركزو على كلمه "فقط " من خلال اننا نروح مكتب الضيافه الجويه للخطوط British Airways Cabin Crew Office في المطار و نقدم هناك و بعد كده الشركه تكلم الناس اللي مقدمه علشان تحضر Open Day اللي بيتحدد كزمان و مكان من خلال المكالمه و مراحل الانترفيو مرحلتين Open Day و Assessment Day اللي فيه One to One Interview مع اللجنه و العمل يكون في مصر لان الشركه ليها Base اساسي في القاهره.
5) طيران العربيه Air Arabia : دي شركه شارتر مقرها الاساسي في كل من الشارقه " الام " و الاسكندريه " الفرع " و دي ملهاش مواعيد تقديم ثابته حسب احتياجات الشركه و الشركه بتنزل اعلانات في حاله لو طالبين Cabin Crew و التقديم ليه طريقتي يا اما من خلال الموقع الالكتروني الخاص بالشركه او نروح مكتب الشركه في الاسكندريه على طريق برج العرب جنب معاهد كينج ماريوت و نقدم ورقنا و نستنى يا اما يبعتولك دعوه لحضور الانترفيو او من خلال مكالمه من خلال مدام / فيوليا Air Arabia HR .
6) اير اطلانتا Air Atlanta : و دي شركه شارتر سعوديه ايسلنديه بتاجرها السعوديه لرحلات الحج و العمره و كمان في حاله وجود Over Flights بالنسبه للخطوط الجويه السعوديه بالاضافه الى رحلات الشركه العاديه و دي بتنزل مصر في غالب مره كل سنه او في فترات متباعده بس مش كتير و التقديم فيها عن طريق ايميل خاص اللي هو " info@airatlanta.com " و بعد كده نستنى الدعوه منهم لحضور الانترفيو و فقط الحضور بالدعوه الرسميه و مقرها جده.
7) اونر اير Onur Air : شركه شارتر سعوديه تركيه بتاجرها السعوديه لرحلات الحج و العمره و كمان في حاله وجود Over Flights بالنسبه للخطوط الجويه السعوديه بالاضافه الى رحلات الشركه العاديه زي اير اطلانتا و بتنزل مصر تقريبا في مواعيدها المحدد خلال الفتره من مايو الى يوليو من كل سنه و السنه دي كانت المفروض تنزل بس علشان كان في ناس على Waiting من السنه اللي فاتت لما نزلو اخر مره في شهر مايو علشان كده قررو ياخدو الناس دول و بعد كده يحدد معاد جديد للنزول علشان ياخدو ناس جديده علشان الشركه عندها عجز حاد في طاقمها و التقديم يكون من خلال ايميل خاص اللي هو " jeddahcabin@onurair.com.tr " و بعد كده نستنى الدعوه منهم لحضور الانترفيو .
8) فلاي ناس Fly Nas : دي شركه شارتر سعوديه مقرها الرياض و بتنزل مصر خلال فترات متباعده يعني ملهاش مواعيد ثابته و لما تنزل بيكون بالاتفاق مع سنتر الضيافه الجويه ISI اللي مقره في لوران ، الاسكندريه و كمان نقدر نقدم فيها عن طريق الموقع الالكتروني " بتطلب بنات بس زي الخطوط الجويه السعوديه "
9) فلاي دبي Fly Dubai : دي شركه شارتر اماراتيه مقرها دبي و دي تاني شركه بعد Fly Emirates و ليها مكتب في الاسكندريه و التقديم فيها بيكون عن طريق الموقع الالكتروني بعد كده بيبعتولك الدعوه الرسميه و خلال الفتره اللي فاتت يعني سنتين كده عملت Open Day في الاسكندريه و على حسب Scheduled و مواعيد مصر نتابع مواعيد نزولهم .

دي اهم شركات طيران اللي بتنزل مصر من بره مصر و نبذه عامه و مختصره عن كل واحده فيهم و ازاي نقدم فيها