نترفيو الخدمات الارضيه Ground Services
 الخاص بالخطوط الجويه القطريه Qatar Airways 

و اللي كان في فندق الماريديان المطار. اللجنه دخلت على الحضور و رحبت بيهم و بعد كده اتكلمت عن 

الخطوط الجويه القطريه من حيث تاريخها و اسطولها الجوي و الوجهات العالميه اللي القطريه بتروحها يعني المعلومات الاساسيه و اتكملت بعد كده عن طبيعه العمل كمضيف ارضي من حيث المرتب و الاقامه و السكن و الامتيازات و الضيافه الارضيه بوجه عام و شروطها و احكامها.بعد كده كانت في استراجه لمده 10 دقايق و جه وراها امتحان اللغه الانجليزيه اللي كان سهل و معقول و مدته 50 دقيقه . كل واحد لما بيخلص الامتحان بيروح يسلم ورقته للجنه و بياخد معاد الانترفيو بتاعه ده في حاله لو اتانت مرددتش على القطريه من خلال Online Application بس في ناس دخلت الانترفيو بسبب انهم حجزو المعاد بتاعهم من خلال Online Application لما القطريه بعتو للناس انهم يحددو المعاد اللي يناسبهم .بالنسبه للناس اللي دخلت تعمل الانترفيو كانت معظم الاسئله في نطاقها المعتاد اللي احنا عارفينو زي مثل سؤال عن المؤهل الدراسي و لو كنت اشتغلت قبل كده و هل بتحب تشتفل في وقت متاخر و شويه درشه عن التسويق و المنتجات بما انك حتبقى مضيف ارضي .اللجنه قالت للناس اللي عملو الانترفيو ان الرد حيكون خلال شهر . الناس اللي بتسال عن امكانيه اننا نروح انترفيو الخدمات الارضيه كده من غير Invitation و الاجابه لا مينفعش تروح من غير ما تكون عملت Online Application و القطريه رادو عليك علشان ده من Open Day زي الضيافه الجويه اي حد يقدر يروح كده علشان كده لازم الناس تعرف كده كويس و لو حابه تقدم في الخدمات الارضيه لازم تتابع الاعلانات على موقع الخطوط الجويه القطريه و تقدم فيه علشان هي دي الطريقه الوحيده فقط لا غير.