Emirates Open Day

1) المظهر العام General Appearance : 

و يشمل على كل مما يأتي :
أ ) اللبس العام Uniform :بالنسبه للبنات , البس العام بيكون عباره عن سكيرت Skirt " جيبه " و عليها شميز و لو عايزين تلبسو عليه جاكيت او بلازر مفيش مشكله دي حاجه Optional مش اساسيه و الجيبه او سكيرت تكون لغايه منطقه الركبه او ممكن فوق بنسبه بسيطه او تحتها بردو بحاجه بسيطه بحيث تكون في محيط الركبه يعني ارجو من البنات متكنش Over اوي يعني و اللون يفضل كحلي او اسود اما شميز يكون مناسب في لونه مع الجيبه و يا ريت نلبس كعب مريح يعني ميكنش عالي اوي و على الارض خالص علشان يريحكم في المشى اما بالنسبه للولاد البدله العاديه بتاعتك. البنات اللي ساكنه بعيد عن الفندق البسو اي حاجه و خدو معاكم Uniform و البسوه في الفندق علشان تحافظو عليه و تعالو من بدري بس عادي لو روحتي بيه بس خلي بالك منه .
ب ) المكياج Make Up : يا ريت يكون المكياج خفيف بحيث يكون ملائم للون البشره وميبنش انك حاطه مكياج من اساسه و يا ريت متحطوش Eye Liner او Eye Shadow كتير اوي و كمان الماسكره و الروج يكون لونه زي درجه لون الشفايف بحيث اللي يشوفك ميحسش انك حاطه روج خالص و المنيكير يكون لونه درجه من درجات اللون الاحمر بس ميكنش فاتح اوي و ارجو من البنات اللي بترسم حواجبها رسم الحواجب بيعتبر Tattoo و ده ممنوع لما نجي نقدم في شركات الطيران علشان كده البنات اللي بترسم يا ريت يكون خفيف خالص كانه يبان ان دي حواجبك حقيقيه او بلاش منه خالص اما Perfume يكون خفيف و مش فواح اوي و ده كلام للولاد كمان Perfume يكون خفيف مش over اوي.
ج ) الشعر Hair : يكون ديل حصان من نص الراس او ممكن تجيبو التوكه اللي عامله زي دونات و تلفو بيها شعركم و لازم وشك يكون باين كله قدام مدام راندا علشان بتحب تشوف وش البنت و ارجو من البنات اللي بتعمل Highlighter في شعرها بلاش خليه طبيعي خالص احسن و افضل.
د ) الاكسسورات Accessories : يا ربت نلبس فصين حلق او حلق بسيط و كمان سلسله بس متكنش Over يبقى كده تمام و لو تلبسي ساعه في ايديكي يبقى انتي كده زي الفل.

2) الورق المطلوب احضاره :
أ) السيره الذاتيه CV و لازم تكون باللغه الانجليزيه
ب) صوره طوليه بكامل هيئه الجسم بخلفيه بيضاء مع ارتداء Formal Uniform
ج) صوره مقاس 6*4 بخلفيه بيضاء مع ارتداء Formal Uniform

ان شاء الله اليوم المفتوح حكيون من الساعه 9 صباحا لغايه 6 بعد العصر و ممكن يتمد على حسب الاعداد اللي جايه تقدم يعني ممكن نروح في وقت و نصيحه مني روح بدري علشان مدام راندا بتحب الناس اللي بتيجي بدري و ملتزمه في مواعيدها و بالتالي فرصتك انك تقول مقبول تكون كويسه. مدام راندا هي طبعا Human Resource طيران الامارات Fly Emirates HR . مدام راندا حترحب بالناس كلها و حتشرح ليهم اليوم و النظام حيمشي ازاي و حتقول على القواعد الخاصه بالضيافه الجويه لطيران الامارات Fly Emirates Terms and Conditions و اللي هي كالاتي :

1) السن يكون من 21 سنه
2) الاقامه حتكون في الامارات في دبي
3) يمنع منعا باتا لبس الحجاب
4) الموافقه على تقديم الخمور اثناء الرحلات حتى في رحلات شهر رمضان طول السنه
5) يمنع منعا باتا الوشم و التاتوو على المناطق البارزه في الجسم كاليدين و القدم و منطقه اعلى الصدر و الكتف و الرقبه و الوجه.

بعد كده راندا و اللي معاها " اذا كان في حد معاها " حتوزع على الناس ورقتين ورقه فيها القواعد و الشروط العامه للضيافه الجويه في طيران الامارات و ورقه تانيه فيها البيانات اللي انت حتكتبها علشان في حاله لو عديت من اليوم الاول و اتقلبت علشان تروح اليوم التاني اللي هو Screening Day او Assessment Day راندا تعبتلك رساله على الموبايل من خلال البيانات اللي انت كتبها.بعد كده راندا حتبدا تستقبل الناس علشان تعمل معاهم الانترفيوهات و لازم تخلي بالك من النقاط الاساسيه التاليه :

1) حركه الجسم Body Language : اياك و انت واقف قدام راندا تستخدم ايديك كتير خليها احسن جنبك و متستخدمهاش الا في اضيق الحدود و كمان اتحكم في حركه جسمك و خليك ثابت يعني متتحركش كتير او تهز نفسك كتير و انت واقف.
2) الواقفه و الماشيه Walking and Standing : بالنسبه للولاد خليك واقف الوقفه العادي و انت ثابت و مستقيم اما بالنبسبه للبنات و انتي واقفه قدام مدام راندا خلي جسمك مايل شويه بسيطه ناحيتها " شايفين اسلوب طريقه التقديم على الطياره هي كده " .حاولو متحطوش ايديكم على الطرابيزه او ورا جسمكم .بالنسبه للبنات فقط و انتم ماشين خلي بالكم راندا بتشوفكم كويس و بتكون مركزه عليكم و انتم رايحين ليها و بعد ما تخلصو الانترفيو معاها خصوصا رجليكم علشان كده خلي بالكم من المشيه و علشان كده نلبس كعب مريح في المشيه " مهمه اوي "
3) Eye Contact : خلي عينيك على راندا بس احتراما منك ليها و متشغلش بالك باي حاجه تانيه خالص حتى لو راندا مش مركزه معاك و بتعمل حاجه تانيه

نجي باقى على الاسئله اللي راندا بتسالها كالعاده و هي كالاتي :

1) What do you do : و هنا راندا بتسالك بتعمل ايه دلوقتي يعني بتشتغل ايه يبقى هنا نقولها على طبيعه مجال العمل و اختصاصك فيه و اياك تقولهم كده Im fine thank you علشان مش بتسال عن حالك انت كويس او لا .لازم نفرق بين السؤال What do you do و السؤال How do you do.
2) Work Experiences او What was your past experience : و هنا راندا تسالك عن خبراتك السابقه لو في حاله كنت شغال في مجالات تانيه قبل كده يبقى هنا حنقول على طبيعه مجالات العمل اللي احنا كنا شغالين فيها و اختصاصنا كمان
3) Do you have tattoos or scars : و هنا حتسالك لو عندك اي تاتوو او وشم على المناطق البارزه في جسمك او جروح طبيه عميقه .
4) Personal Questions and Talks : ساعات راندا بتسال اسئله شخصيه من نفسها كده علشان كده درب نفسك على اي سؤال متعلق بيك و بالسي في او بالعمل بتاعك لو اتسالت و الاجابه تكون في حدود .

بعد كده تمشي من القاعه و تستني رساله على موبايل من راندا في حاله لو انت اتقلبت علشان تروح اليوم التاني و غالبا كده لو عدت الساعه 5 كده يبقى اعرف نفسك انك Out بس ان شاء الله يكرم الجميع و يوفقكم يا رب.

ملحوظه : بالنسبه لعمل Application Form الخاص بطيران الامارات ,عايز اوضح نقطه تانيه مهمه في ناس لسه متلخبطه فيها بالنسبه لعمل Application اونلاين و لو شرط اننا نعمله قبل ما نروج اليوم المفتوح لكل من القطريه و طيران الامارات ، مش شرط و اكرر مش شرط تعمل Application و انت رايح Open Day لاي شركه سواء طيران الامارات او الخطوط الجويه القطريه يعني ممكن تروح عادي و تقدم عادي من غير ما تعمله لان اليوم ده اسمه OPEN DAY يعني يوم مفتوح لاي حد يقدم طالما المواصفات موجوده فيه بس لو ربنا كرمك و دخلت اليوم التاني من الانترفيو اللي هو Assessment Day في القطريه او Screening Day في طيران الامارات و نجحت فيه و هنا شرط النجاح انك لازم تعدي من اليوم ده يبقى هنا اجباري و شرط انك تعمل Application اونلاين علشان الشركه تبدا اجراءاتها معاك من خلال البيانات و الورق اللي انت عامل بيه Application .في اليوم المفتوح في طيران الامارات Fly Emirates Open Day لو انت عامل اصلا Application قبل ما تروح راندا اللي هي Fly Emirates HR حتوزع عليك ورقه فيه البيانات اللي من خلالها حيكلموك عليها علشان تروح اليوم التاني Screen Day لو عديت من اليوم الاول و في الورقه دي في خانه حتلاقيها فوق عى جنب اليمين مكتوب فيها Application Ref No اللي هو رقم الكود الخاص بتاع Online Application اللي انت عامله و اللي الشركه حتبعتهولك على الايميل اللي انت عامل بيه Application ، لو انت عمله خلاص اكتب الرقم في الخانه او حط علامه صح Tick في الخانه يعني بتقول انك عامل Application و لو انت مش عمله خلاص حط علامه X و ده بالنسبه لطيران الامارات Fly Emirates اما بالنسبه للخطوط الجويه القطريه Qatar Airways بنفس النظام هنا لو انت عامل Application قبل ما تروح اليوم المفتوح خلاص اكتب الكود بتاعك على السي في CV و لو مش عامله خلاص متعملش حاجه و روح اقدم عادي و ان شاء الله لما تنجح في اليوم التاني Assessment Day هنا لازم تعمل Online Application .وده بالنسبه للانترفيوا29 اكتوبر 2014 و كل سنه واليها ظروفها 

أعجبني