استعدادات لليوم المفتوح لانترفيو لطيران الامارات Fly Emirates Open Day

استعدادا لليوم المفتوح لطيران الامارات Fly Emirates Open Day في القاهره في فيرمونت هليوبوليس اند تاورز يوم الاحد القادم 28 من سبتمبر 2014 من الساعه 9 صباحا و زي ما عودتكم اننا نعيش اجواء الانترفيوهات و بالنسبه للناس اللي حتقدم فيها لاول مره ده الجو العام لليوم المفتوح لطيران الامارات Fly Emirates Open Day :

اول حاجه استعينو بالله قبل ما تروحو الفندق علشان ربنا يوفقكم و يكرمكم ان شاء الله.حاولو تروحو بدري قبل المعاد بوقت كافي علشان راندا بتحب الناس اللي ملتزمه بالمواعيد و راندا عن تجربه بتاخد راحتها في الجروب الاول أكتر من التاني علشان هي في حاله لو العدد زايد بتقسم الناس لمجموعات واحده الصبح و التانيه بعد الظهر فأحسن حاجه روحو بدري .اول ما تدخلو القاعه و خصوصا البنات خالي بالكم من المشيه لان راندا بتكون عينها عليكم حتى و انتو داخلين .راندا حتستقبلكم و ترحب بيكو و حتقولكم على تعليمات و شروط طيران الامارات و اللي هي كالاتي :

1) ممنوع منعا باتا لبس الحجاب : راندا حتسأل البنات في موضوع الحجاب لو انتي موافقه او لا .لو انتي مش موافقه يبقى حتمشي من القاعه و علشان كدا اللي ملتزمه بالحجاب او معندهاش الرغبه في قلعو متروحش الاوبن داي و تشوف اي شركه تانيه تقبل المحجبات.

2) السن لازم يكون فوق 21 سنه : راندا حتمشي اي حد اقل من 21 علشان موضوع تقديم الخمور في الطياره " السن القانوني هو 21 " بس لو انت قريب من 21 بكام يوم او اسبوع او شهر بالكتير شهرين ممكن راندا تسيبك تكمل اليوم بس قولها و هي بتقول التعليمات قبل ما تروح تعمل الانترفيو معاها .

3) تقديم الخمور: من شروط طيران الامارات و لازم توافق عليها علشان و انت في الطياره حتقدم خمره يعني مفيش اي نوع من الاشتثناءات و اللي مش عايز يقدم الخمور ميروحش احسن .

بعد كدا راندا او اللي معاها حتوزع عليكو ورقتين الورقه الاولى فيها تعليمات و شروط طيران الامارات و المعلومات الاساسيه زي المرتب و الاقامه و كدا و الورقه التانيه هي اللي انت حتكتب عليها بياناتك زي اسمك و الايميل و التليفون اللي لازم يكون Active علشان لو نجحت و عديت للمرحله التانيه Assessment Day حيكلموك من خلال البيانات اللي موجوده في الورقه كمان في سؤالين لو انت حضرت قبل كدا انترفيو مع الامريتس او لا " Open Day او Final Interview ".بعد كدا راندا حتبدأ تستقبل الناس و تعمل معاهم الانترفيو. لازم تخلي بالكو و انتو مع راندا من الحاجات دي اللي هيا كالاتي :

1) Body Language : اياك تسنخدم ايديك الا في اضيق الحدود ممكنه و خليهم جنب رجليك
2) Eye Contact : لازم عنيك تبقى على راندا او اللي حيعمل معاك الانترفيو لو في حد مع راندا و متشغلش نفسك باي حاجه تانيه
3) Standing And Walking : بالنسبه للبنات لما تكوني واقفه لازم رجليكي تبقى مشدوده على الارض و ظهرك منحي شويه بس مش اوفر " يعني في انحاء شويه مش واقفه مستقيمه " و حاولي تلبسي كعب مريح مش عالي اوي علشان تكوني مرتاحه في المشيه و الواقفه لان الحاجات دي اللي هي بتميزك عن اي بنت تانيه لان راندا بتحب تشوفك و تبقى مركزه معاكي لانك حتشتغلي كام ساعه على الطياره و عايزه تقدر قد ايه جسمك حيستحمل نصيحه مني .الولاد عادي جدا .
4) Voice And Hearing : لازم تتكلم مع راندا بصوت واضح و مسموع و كمان لازم نبقى مركز معاها و هي بتتكلم علشان هي بتختبرك قد ايه تقدر تسمعها لان ساعات بيكون صوتها واطي و دا مجرد اختبار ليك علشان لو مسافر اتكلم معاك بصوت واطي تقدر تسمعه او لا .

الحاجات الاساسيه اللي لازم نخلي بالنا منها و هي :

* Uniform : البنات ، لازم اليونيفورم يكون يا اما سكيرت " جيبه " و عليه شميز و لو عايزه تلبسي جاكيت عليه مفيش مشكله على راحتك او بدله كامله كلاسيك و الكعب يكون مناسب و يرايحك في مشيتك " ملحوظه : البنات اللي ساكنه بعيد من الفندق علشان تحافظو على اليونيفورم تعالي بدري و البسي في الفندق بس عادي جدا لو انتو جيتو و انتو لابسينو بس حاول تحافظو على شكله علشان راندا بتهتم بلبسكو جدا و بس نصيحه مني البسي مش اوفر اوي .الولاد ، البدله بتاعتك العاديه .
* Appearance : البنات , المكياج يا ريت يكون خفيف و انيق مش اوفر اوي و انتو عارفين ازاي تضبطوه و الشعر ديل حصان من نص راسك و يكون مفرود علشان وشك يبان .الولاد ، عادي جدا بس البرفان يكون خفيف و لو ساعه تلبسها في ايديك يبقى كدا تمام بس مش شرط. بالنسبه للبنات و خصوصا الاكسسوارات البسو فصين حلق في حلمه ودنك و مش أكتر من كدا " راندا مش بتحب البنات الاوفر " و سلسله و لو ساعه يبقى انتي تمام كده.

نجي بقى على الاسئله اللي راندا بتسألها كل مره بس و انتو معاها متخافوش و خالي عندكو ثقه و اتوكل على الله ...الاسئله كالاتي :

1) What do you do : يعني انت بتعمل ايه حاليا في الوقت دا .محدش يقولها كدا Im fine thank you علشان هي بتسألك انت بتشتغل دولوقتي او لا مش بتسألك عن حالك لان في ناس بيغلطو فيها .الاجابه ترجع ليك لو انت شغال او لا في الفتره دي و لو شغال اديها معلومات عن شغلك بس في حدود علشان متفتحش عليك ابواب انت مش قدها في الاجابه خصوصا للناس اللي بتتكلم انجليزي على قدها.حاول تختصر الاجابه و بس و لو انت مش شغال قولها كدا I dont do anything currently او Im not working right now او على راحتك في طريقه اجابتك

2) What was your past " previous " experiences : يعني ايه خبراتك اللي فاتت لو انت اشتغلت قبل كدا يعني و برده يكون في حدود السؤال

3) Do you have scars or tattoos : يعني لو عندك اي جروح واضحه او وشم " حنه " في جسمك بس تكون واضحه يعني على كتفك او رقبتك او وشك .الاجابه اللي ممكن تتقال و بردو كمان على حسب الطريقه اللي تريحك I dont have either scars or tattoos او Neither each one of them do I have او I dont have both of them او اللي يرايحك

4) Personal Questions : يعني ممكن تقولك اسمك ايه What is your name او عندك كام سنه How old are you و كدا بس

هي دي الاسئله اللي في غالب راندا بتسألها كل مره بس مفيش مانع لو حبت هي تسألك اسئله من دماغها بينك و بينها و لو حصل دا بردو جاوبها في اضيق الحدود علشان الوقت و كمان متخليش راندا تفتح ابواب عليك و اسئله و حوارات " في المضمون و بس"

لما تجي تقدم السي في لراندا او اللي معاها اقدمه بيديك الشمال علشان دي طريقه السليمه في الانترفيوهات علشان لو HR سلم عليك تقدر تسلم عليه بيديك اليمين اللي هي فاضيه طبعا و دا لو HR سلم عليك اوعى تمد ايديك على طول قبل ما هو او هي تمد الاول.بعد ما تخلص من الانترفيو مع راندا امشي و ربنا معاك لو بعتولك Text Message للمرحله التانيه اللي بتكون بعده بيوم او يومين بالكتير Screen day .هما بيكلموك بعدها بخمس ساعات او اقل من كدا و ساعات قبل ما تمشي من القاعه يعني نخلي بالن من الموبايل بتاعنا و يكون مشحون

*الورق المطلوب :

1) السي في بتاعك CV من غير كفر Cover لان راندا حتطلب منكو تشيلوه قبل ما تروحولها علشان كدا خاليكو جاهزين قبلها
2) الصوره الطوليه " و لو الصوره بتاعه الباسبور كمان مفيش مشكله : لازم تكون في الصوره باليونيفورم بتاعك الكامل و بخلفيه بيضا

ملحوظه : مش مطالب تجيب اي ورق تاني خالص في اليوم دا اللي بس السي في و الصوره الطوليه و لو حابب تعمل Online Application على راحتك هو يفضل عمله بس مش شرط علشان تحضر اليوم المفتوح لطيران الامارات Fly Emirates Open Day .

أعجبني