كل مايخص امتحان مصر للطيران للضيافه الجويه 

بالتفصيلفي اللغه الانجليزيه

الاول بتروح الجامعه الامريكية بتتدخلو شارع هارديز هتمشى شوية و هتدخل ثانى شارع على اليمين كلية التعليم المستمر بتلاقى اسمك على البوابة بتسحب استمارة وتملاها وبتاخد رقم تدخل بيه تاليربتروح التالير عشان ياخدوا بياناتك وهيدوك استمارة ID بتروح بيها وتدفع فى

الخزنة 185 جنية وبيديك رقم ال ID .
بتطلع الدور الثانى عشان تمتحن الاورال بياخدو استمارة ID وبيتدخل غرفة انتظار وهما بينادوا على الاسم بتدخل الاورال اللجان كانت سهلة جدا وبسيطة اللجنة بتاعتى كان راجل وست كويسين جدا والانجليزى بتاعهم مفهوم بيسالوا سؤال عرف نفسك Introduce yourself
والاسئلة الباقى فى الاورال بناء على اللى انت هتقوله مده الاورال 5:10 دقائق
بعد كده بتروحوا الدور الرابع عشان التحريرى وبينقسم الى 3 اجزاء استماع / قراءة / كتابة
(ملحوظة فى فورمات فى الامتحان يعنى اللى جانبك مش هيكون نفس الامتحان )
ودا شرح تفصيل للفورمة اللى جاتلى
جزء الاستماع بيكون 35 دقيقة بتجاوب على 35 سؤال بتسمع محادثة او مونولوج وبيكون عليها اسئلة بالترتيب من الاسهل الى الاصعب (حاولوا تخلى بالكم لو غلط فى حاجة حاول تعديها لان الائلة ورا بعض مفيش فاصل غير 20 ثانية للاجابة فممكن عشان تركز فى اللى غلط فيه هتضيع منك اكتر من سؤال ).
جزء القراءة مدته ساعه كاملة وهو عبارة عن 8 قطع وعليهم اسئلة هحاول اكتب اللى فاكراه على قد ما اقدر
القطعه الاولى كانت عبارة عن جواب واحدة بتعتذر انها مرت على صاحبتها ومش لقتها فى كتبتها رساله دعوه الى عيد ميلادها
وفى قطعه تقريببا كانت الخامسة كانت بتتكلم عن الاطفال الازكياء او العباقرة والدراسات اللى تمت فى الموضوع دا
والقطعه تقريبا السادسة كانت عبارة عن خطاب ان موظف فى قسم التسويق بيطلب من المدير ترقية الى منصب مدير قسم التسويق وبيقول هو عمل ايه عشان يستحق الترقية دى
وفى قطعه بتتكلم على المرويف 600 انه احدث مكرويف وطريقة تشغيلة
وفى قطعه عن كاميرات المراقبة وتحديد خصوصيتها مع الناس
سورى بس دول اللى قدرت افتكرهم
الجزء الثالث والاخير الكتابة مدته ساعه كاملة وهو 3 اجزاء
1- صورة بتوصفها من 30 :50 كلمة وهى عبارة عن حديقة فيها اطفال بتلعب كورة وركوب عجل ونط الحبل وشد الحبل وسكتور
2- خطاب بيكون من 100 : 150 كلمة وهو عبارة عن مدير تسويق شركة اكسسوارت سيارات بتعرض على مدير شركة سيارات منتج جديد عندهم و هو جهاز انذار وبتطلب منه يرد عليها لو هو مهتم والمفروض انك بترد على الخطاب على اساس انك مدير شركة السيارات
3- كان مقال جدلى بيكون من 200 : 250 كلمة السؤال بيقول بالنص ان فى ناس بتنادى بترك الدراسة بعد المدرسة الثانوية والتوجة الى سوق العمل افضل من استكمال الدراسة فى الجامعات بحجة ان فى بطالة وانهم مش هيلاقوا شغل على عكس ناس تانية بتفضل الدراسة فى الجامعه للتطور الوظيفى وتحسين صورتهم فى المجتمع